Marinus I.

Dr Marinus I. (mänkmol au Martin II. gnännt; * z Gallese; † 15. Mai 884 z Rom) isch vu 882 bis zue dym Dod Papscht gsii.

Dr Marinus isch dr Suhn vun eme Prieschtermit Name Palumbo vu Umbrie gsii. Vor syre Wahl zum Papscht isch er Bischof vu Cerveteri gsii. Är isch dr erscht Pontifex gsii, wu vorhär Bischof vun andere Stadt wie Rom gsii isch. Dr Wächsel vu aim Bischofssitz uf en andere, di sognännt Translation, isch noch em kanonische Rächt, wu dodmol gulte ghaa, het, numen in sältenen Uusnahme erlaubt gsii. Vor em Marinus hän in dr Regle nume Diakon vum Bischtum Rom dr Papschtdroon bstige.

In sym churze Pontifikat het dr Marinus ufghert mit dr versehnlige Bolitik vu sym Vorgänger Johannes VIII. gegeniber em Photios I., em Patriarch vu Konstantinopel, un het anne 882 nomol sällem syni Exkommunikation widerholt. Dr Marinus I. het fimf Kardinäl ernännt, dodrunter di spetere Päpscht Hadrian III. un Stephan V.. Derzue het er dr Bischof vu Porto, dr speter Papscht Formosus, wider in sy Amt yygsetzt, wu dr Johannes VIII. abgsetzt ghaa het.

Literatur

• Klaus Herbers: Marinus I.. In: Biographisch-Bibliographisches Kirchenlexikon (BBKL). Band 5, Herzberg 1993, ISBN 3-88309-043-3, Sp. 827–828.

Weblink

 Commons: Marinus I. – Sammlig vo Multimediadateie

Vorgänger Johannes VIII.

Papscht 882–884

Nochfolger Hadrian III.

Dä Artikel basiert uff ere fräie Übersetzig vu dere Version vum Artikel „Marinus_I.“ vu de dütsche Wikipedia. E Liste vu de Autore un Versione isch do z finde.